Modelja përjeton dhunë nga lojtari i njohur i Kosovës! Gjykata vendos...

Futboll

Modelja përjeton dhunë nga lojtari i njohur i Kosovës! Gjykata vendos...

Më: 3 maj 2022 Në ora: 14:48
Modelja përjeton dhunë nga lojtari i Kosovës! Gjykata vendos...

Modelja e Kosovës Vesa Vllasaliu pretendon se ishte viktimë e një dhune fizike të shkaktuar nga i dashuri i saj, futbollisti nga Kosova, Mërgim Berisha.

Çifti e pati një konflikt së fundmi, e si rezultat, sulmuesi i Fenerbahçes thuhet se e ka sulmuar fizikisht modelen, të cilën më pas edhe e kërcënoi dhe e përzuri nga banesa.

Ajo është ankuar në gjykatë, përmes së cilës kërkon që t’i lejohet t’i bëjë disa gjëra elementare, të cilat nuk ia la i dashuri i mllefosur.

Në kërkesën e saj përmes avokatit, Vllasaliu kërkon që t’i marrë gjësendet e saj private që gjenden në banesë, madje edhe faturën dhe t’i ndërpresë të gjitha marrëdhëniet me futbollistin, shkruan mediumi turk “Hurriyet”.

Por, klientja, në këtë rast e dashura e futbollistit, kërkon mbrojtje pasi ka të ngjarë që ajo të jetë prapë viktimë e një sulmi fizik dhe dhune nga futbollisti i Fenerbahçes.

Berisha i kishte udhëzuar rojet e ndërtesës që të mos e linin Vllasaliun të hynte në objekt dhe ajo kishte mbetur rrugëve, e lënduar fizikisht dhe emocionalisht.

Gjykata ka vendosur që Berisha të mos guxojë t’i afrohet të dashurës së tij në dy muajt e ardhshëm dhe të mos e kontaktojë atë në kurrfarë forme.

Në të kundërtën, ai mund të dënohet me 1 muaj burgim.

Çifti ishte duke bashkëjetuar që nga shtatori i vitit të kaluar dhe po planifikonte të martohej këtë verë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat