Tema e çmimeve në Tiranë ka shkaktuar polemika në mediat fqinje.
Përtej Adriatikut raportojnë për një rritje të jashtëzakonshme të hoteleve, udhëtimeve, por edhe të biletave. Megjithatë ky problem duket se nuk ndodh vetëm në Shqipëri.
Biletat për sfidën mes Sasuolos dhe Milanit kanë avulluar brenda një ore, teksa ka pasur një “sold out” në stadiumin “Mapei”. Barazimi ose fitorja i japin kuqezinjve titullin kampion, prandaj tifozët e Milanit po bëjnë ç’mos për të qenë të pranishëmë në stadium në fundjavë.
Një mundësi e tillë tashmë mund të sigurohet vetëm përmes tregut të zi. Rishitja e biletave ka nisur në Itali, ku çmimet variojnë nga 895 euro në 2984 euro.
