Selektori i Gjibraltarit: Mjafton të thuhet se ata munden Gjermaninë dhe Italinë

Futboll

Selektori i Gjibraltarit: Mjafton të thuhet se ata munden Gjermaninë dhe Italinë

Nga: K.G. Më: 5 qershor 2022 Në ora: 14:49
Selektori i Gjibraltarit: Mjafton të thuhet se ata munden Gjermaninë dhe Italinë

Selektori i Gjibraltarit, Julio Ribas, pret lojë të mirë nga djelmoshat e tij.

Uruguajani nga viti 2018 është në krye të kësaj përzgjedhjeje dhe për këtë, siç thotë ai, e njeh shumë mirë përfaqësuesen e Maqedonisë së Veriut.

Në pritje të duelit të sotëm (18.00) me Maqedoninë, Ribas theksoi se i ka ndjekur mirë të gjitha fazat e zhvillimit të skuadrës maqedonase në katër vitet e fundit dhe prandaj është i vetëdijshëm se Gjibraltari do të ketë një detyrë vërtet të vështirë për të mbetur i pamposhtur.

“Nuk di çfarë të them për Maqedoninë. Mjafton të thuhet se ata munden Gjermaninë dhe Italinë në vitin e kaluar.

Po luajmë me një skuadër që e dimë mirë se ka bërë progres serioz vitin e fundit dhe ka qenë pjesë e Kampionatit Europian 2020, i vetmi që ka luajtur në EURO 2020 nga grupi ynë” – tha Ribas.

“Por nga ana tjetër, kjo është pikërisht ajo që na motivon.

Të luash kundër një kundërshtari të tillë na jep forcën për të dhënë maksimumin dhe të përpiqemi të befasojmë para publikut tonë.

Kemi luajtur një ndeshje të mirë me Maqedoninë para katër viteve këtu në Gjibraltar dhe tani do të mundohemi të tregojmë në mënyrën e duhur se këtu luhet futboll në nivel të lartë”, tha trajneri uruguaian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat