Filloi turneu ndërkombëtar i grupmoshave U-17 në organizim të KF 2 Korriku 

Futboll

Filloi turneu ndërkombëtar i grupmoshave U-17 në organizim të KF 2 Korriku 

Më: 30 qershor 2022 Në ora: 14:43
Filloi turneu ndërkombëtar

Sot në Prishtinë ka filluar turneu ndërkombëtar për grupmoshën U-17 të organizuar nga KF 2 Korriku nën patronatin e FFK-së.

Pjesëmarrës në këtë turne krahas klubit organizator janë edhe Ballkani, Llapi, Trepça’89, Besa, Beshiktashi, Rabotniçki dhe Vllaznia. Ky turne mbahet në kuadër të strategjisë së FFK-së për binjakëzimin e sa më shumë shkollave të futbollit të klubeve tona me klubet e mëdha evropiane.

E në rastin konkret është pikërisht lidhja e FC 2 Korrikut dhe FC Beshiktashit, pasi kampionati turk, ai kroat dhe veçmas ai italian janë bërë tashmë destinacionet më të shpeshta për talentet e futbollit tonë.

Në hapje të turneut ishte i pranishëm edhe presidenti Agim Ademi, i cili përgëzoi drejtuesit e KF 2 Korriku, për organizimin e këtij turneu dhe për pjesëmarrjen e klubeve që njihen për zhvillimin e talenteve. Ndër të tjera kreu i FFK-së theksoi se 2 Korriku, ashtu siç e ka emrin e një date historike për Republikën e Kosovës, ashtu është edhe si klub historik e i dëshmuar për nxjerrjen e shumë talenteve që tashmë kanë bërë karrierë të suksesshme edhe jashtë vendit.

Ai inkurajoj drejtuesit dhe stafin e 2 Korrikut që të vazhdojnë të punojnë me përkushtim për zhvillimin e talenteve edhe në të ardhmen, teksa u premtoi përkrahje në partneritet me komunën e Prishtinës për krijimin e kushteve sa më të mira në stadium.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat