Klubi i sheikëve në sulm për Brojën

Futboll

Klubi i sheikëve në sulm për Brojën

Më: 7 korrik 2022 Në ora: 11:21
Armando Broja

Armando Broja vazhdon të pëlqehet dhe kërkohet nga klube të ndryshme. Sulmuesi i talentuar është pjesë e Chelsea deri në vitin 2026, dëshira për të luajtur në “Stamford Bridge” është e madhe, por karriera e 20-vjeçarit pritet të vijojë diku tjetër.

Broja ia ka bërë të qartë trajnerit Thomas Tuchel se nëse nuk e ka besimin e tij, atëherë është më mirë që ta shesin. Huazimet nuk i preferon më dhe kërkon të largohet përfundimisht nëse nuk bën pjesë në planet e trajnerit gjerman.

Newcastle nuk i ka problem paratë, në “St. James Park” po ndërtojnë një skuadër cilësore dhe mediet angleze shkruan se Broja është objektivi kryesor i “Qymyrxhinjve” për sulmin, dhe i preferuari i trajnerit Howe.

West Ham dhe Everton vazhdojnë të monitorojnë situatën e lojtarit të kombëtares shqiptare, ndërkohë që te Southamton, klubi ku kaloi i huazuar sezonin e fundit, janë optimistë për blerjen e kartonit të tij.

Në Itali e pëlqejnë Milan, Napoli dhe Atalanta, teksa u përfol edhe për një interesim nga Ajaksi në Holandë. Broja i ka vendosur kohë deri në fund të muajit Chelsea dhe Tuchel për t’i dhënë një përgjigje finale.

Mediet angleze shkruajnë se ai është takuar edhe me Todd Boehly, presidentin e Chelsea. Ky i fundit e vlerëson lojtarit e talentuar nga Malësia e Madhe, por e ardhmja e tij me klubin londinez varet nga trajneri gjerman.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat