Istanbulspori i shqiptarëve e nis me humbje në Turqi

Futboll

Istanbulspori i shqiptarëve e nis me humbje në Turqi

Më: 5 gusht 2022 Në ora: 22:37
Istanbulspori

Istanbulspori e nisi me humbje Superligën turke, aty ku u rikthye pas sukseseve në “play-off”. Kristal Abazaj dhe Jetmir Topalli e nisën si titullarë për vendasit, të cilët humbën 0-2 me Trabzonsporin.

Kampionët në fuqi të Turqisë, shënuan nga një gol për pjesë me anë të danezit Andreas Cornelius dhe holandezit Stefano Denswil.

Në fushë për Istanbulsporin u fut edhe Valon Ethemi në minutat shtesë, ish-lojtari i Kukësit, ndërkohë që Eduard Rroca është i dëmtuar.

Nga Turqia në Kroaci, aty ku Jorgo Pëllumbi dhe Agon Elezi, ish-lojtarët e Skënderbeut, luajtën nga minuta e parë për Varazdin në barazimin 1-1 ndaj kampionëve të Dinamos së Zagrebit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat