Bayerni zgjedh një francez si pasuesin e Lewandowskit

Futboll

Bayerni zgjedh një francez si pasuesin e Lewandowskit

Më: 11 gusht 2022 Në ora: 17:32
Bayerni zgjedh një francez si pasuesin e Lewandowskit

Te Bayern Munchen mendojnë edhe për të ardhmen. Kampionët e Gjermanisë kanë mbyllur merkaton për momentin, teksa e nisën sezonin e ri në mënyrë spektakolare.

Në fillim suksesi 5-3 ndaj Leipzigut në finalen e Superkupës së Gjermanisë dhe më pas triumfi tenistik 6-1 në Frankfurt përballë Eintrachtit në ndeshjen e parë të sezonit të ri në Bundesliga.

Dy ndeshje dhe 11 gola të shënuar, sulmi i Nagelsmann funksionon për mrekulli edhe pas largimit të një makinerie golash si Robert Lewandowski.

Një nga objektivat për verën e ardhshme është Harry Kane, i cili cilësohet si zëvendësuesi perfekt i bomberit polak, por në Bavari kanë një tjetër dëshirë.

Mediet gjermane shkruajnë se fokusi i Bayernit do të jetë Christopher Nkunku, sulmuesi francez i Leipzigut, i cili po paraqitet mirë prej kohësh tek ekipi gjerman.

24-vjeçari, i cili në mars debutoi me kombëtaren e Deschamps, ka nisur sezonin e katërt me Leipzigun, që pritet të jetë edhe i fundit.

Problem mbeten kërkesat e larta, drejtuesit e Leipzigut duan mbi 100 milionë euro për të lënë të lirë qendërsulmuesin dhe Bayerni do të jetë i detyruar të shesë një nga titullarët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat