Willian ndërpren kontratën me Corinthians – kërcënohej me vdekje në rrjetet sociale

Futboll

Willian ndërpren kontratën me Corinthians – kërcënohej me vdekje në rrjetet sociale

Më: 13 gusht 2022 Në ora: 11:10
Willian

Sulmuesi brazilian, Willian, e ka ndërprerë kontratën me Corinthians, pasi merrte kërcënime të vazhdueshme në rrjetet sociale.

Ish-sulmuesi i Chelseat thotë se kërcënohej me vdekje, andaj, që kjo situatë të mos eskalojë për të dhe familjen e tij, ai vendosi të largohej nga klubi që iu bashkua një vit më parë.

“Kurdo që Corinthians humbiste dhe unë nuk luaja mirë, familja ime pranonte shumë kërcënime e ngacmime në medie. Atakohej gruaja ime, fëmijtë e mi, babai im dhe së fundi motra ime”, tha ai.

“Ndoshta edhe nuk luajta mirë, por unë asnjëherë nuk kam qenë lojtar që kam shënuar 20-30 gola në sezon”, përfundoi Willian.

Ndeshja kundër Flamengos nuk Copa Libertadore duket se ishte kulmi i një mllefi që u akumulua gjatë nga Willian.

Ndeshja përfundoi 3-0 në dëm të skuadrës së tij dhe 34-vjeçari bëri gati valixhet të largohet menjëherë nga skuadra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat