Ramadani: Edhe tifozët i gëzuam me këtë fitore

Futboll

Ramadani: Edhe tifozët i gëzuam me këtë fitore

Më: 13 gusht 2022 Në ora: 20:06
Ramadani: Edhe tifozët i gëzuam me këtë fitore

SC Gjilani e filloi me fitore edicionin e ri në Superligën e Kosovës në futboll.

Kuqebardhët me mjaft mund arritën ta mposhtin 3-2 Ferizajn në shtëpi, shkruan Gazeta Olle.

Trajneri i gjilanasve, Zekirija Ramadani pranoi se ekipi i tij bëri disa gabime, por shfaqën karakter në fushë.

“Lojtarët shfaqën karakter në fushë. Kemi bërë disa gabime, por mendoj se brenda javës do i përmirësojmë. Pa gabime nuk ka futboll. Nuk duhet të pranojmë gola të lehtë. Po i quaj të lehtë sepse ishim në epërsi numerike dhe përsëri pranuam gola. Por, kjo është puna jonë.

Tre pikët ishin objektivi kryesor.

Edhe tifozët i gëzuam me këtë fitore dhe i falënderoj për mbështetjen. Pritshmëritë janë tre vendet e para. Për ta arritur vendin e dytë apo të tretë, ne duhet të luftojmë për vendin e parë. Nuk duhet të fluturojmë me mend sepse do të ishte dëshpërim i madh.

Duhet të jemi me këmbë në tokë. Të vazhdojmë ndeshje pas ndeshje. Vetëm kështu mund të dalim të suksesshëm në fund të sezonit”, deklaroi Ramadani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat