Skuadra KF Shkupi dhe ajo FC Ballkani do të ballafaqohen sot në kuadër të finales së play-off-it.
Të dy klubet kampione, njëra e Kosovës dhe tjetra e Maqedonisë së Veriut përballen sot në kërkim të një vendi në fazën e grupeve të garës evropiane, Liga e Konferencës, transmeton Klan Kosova.
Ndërsa kryetari i komunës së Suharekës, Bali Muharremaj, së bashku me drejtorët e kësaj komune janë veshur me ngjyrë portokalli për ta mbështetur skuadrën FC Ballkani e cila është po ashtu nga kjo komunë.
“Për FC Ballkani sonte kemi emocione të gjithë, në Kosovë dhe Suharekë. Klubi i Ballkanit sot është emocioni ynë dhe zemra jonë”, ka shkruar ai në llogarinë e tij në Facebook.
