Kur Fadil Vokrri me Prishtinën shembën Partizanin e Xhevat Prekazit dhe Dragan Mances...

Futboll

Kur Fadil Vokrri me Prishtinën shembën Partizanin e Xhevat Prekazit dhe Dragan Mances...

Nga: Kemajl Goca Më: 18 gusht 2022 Në ora: 15:33
KF Prishtina 1983: Në këmbë, nga e majta Favzi Rama, Sllobodan Shijica, Faton Domi, Skënder Shengyli, Rifat Mehinoviq, Petre Gruesvki, Ulur nga e majta: Faruk Domi, Fadil Muriqi, Fadil Vokrri, Agim Cana dhe Zoran Batroviq..

Prishtina e viteve të 80-ta, një gjeneratë e papërsëritshme e futbollit! i madh dhe i vogël jetonin me futbollin në vitet e 80-ta.

Me 21 gusht të vitit 1983, në stadiumin e Prishtinës (tani “Fadil Vokrri”), nuk kishte vend as për gjilpërë, rreth 40 mijë shikues.

Prishtina regjistron fitoren e dytë rresht në debutimin e saj (1:0) pas asaj kundër Dinamos së Vinkovcit.

Në minutën 16-të, Dragan Mance kaloi në epërsi ekipin e Partizanit.

Më 21 gusht, 1983, java e dytë
Prishtina - Partizan 2:1 (1:1)

Stadiumi i Prishtinës.
Shikues: 40 000.
Shënues: Batroviq (33’) e Vokrri (54’) dhe Mance (16’). 

Prishtina: Sllobodan Shujica, Skënder Shengyli (Lubisha Trajkoviq 89’), Shefqet Sinani, Ramadan Cimili, Petre Gruevski, Favzi Rama, Edmond Rugova, Fadil Muriqi, Fadil Vokrri, Agim Cana (Faton Domi 70’) dhe Zoran Batroviq.
Partizani: Stojiq, Radoviq, Rojeviq (Varga 65’), Dimitrijeviq (Mashiq 64'), Jeshiq, Radanoviq, Smajiq, Zhivkoviq, Mance, Vukotiq dhe Prekazi. 

Ky gol veç elektrizoi atmosferën dhe i dha hov lojës së Prishtinës. 

Zoran Batroviq në minutën e 33-të barazoi rezultatin.

Në pjesën e dytë, atmosferë drithëruese dhe lojë e madhe e Prishtinës. Fadil Vokrri, e kush tjetër, shënon për fitoren e madhe me rezultat 2:1. Pikërisht në minutën e 54-të, ndërsa stadiumi gati sa i doli “flaka” nga atmosfera, që i ngjante stadiumeve latinoamerikane!

Prishtina në krye me Fadil Vokrin shembën Partizanin e Xhevat Prekazit dhe Dragan Mances.

Senzacion, një skuadër nga Kosova, debutuese me dy fitore rresht dhe renditej në vend të tretë me 4 pikë, ndërsa Velezhi kryesonte me 4 e Slloboda e dyta me 4 sosh pas javës së dytë të Ligës së Parë ish jugosllave, duke lënë Partizanin në pozitën e 12-të  me 2.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat