Busquets, Pique dhe Alba, hipoteka 200 milionëshe si “gur në qafën” e Barcelonës

Futboll

Busquets, Pique dhe Alba, hipoteka 200 milionëshe si “gur në qafën” e Barcelonës

Më: 29 shtator 2022 Në ora: 18:22
Busquets, Pique dhe Alba, hipoteka 200 milionëshe si “gur në qafën” e Barcelonës

Ajo është njohur së fundi nga zëvendëspresidenti ekonomik i Barçës, Eduard Romeu. Problemi serioz që ka klubi me masën e pagave të ekipit të parë, nëse do të vazhdojë të punojë me rigorozitet, do të marrë fund më shpejt se sa vonë.

Për momentin, masa e pagave të ekipit të parë është rreth 610 milionë euro. Klubi dëshiron ta ulë atë me një minimum prej 150 milionësh me qëllim që ekonomia e saj të jetë e shëndetshme, por edhe sepse La Liga e kryesuar nga Javier Tebas do ta kërkojë.

Dhe klubi e di se mund të jetë në ato shifra në sezonin 2024-2025, megjithëse shpreson se mund ta bëjë edhe më parë. Në një masë të madhe, zgjidhja do të vijë me lamtumirën e kapitenëve. Busquets, Pique dhe Jordi Alba do t’i kushtojnë Barçës rreth 200 milionë euro nga ky vit deri në vitin e ardhshëm, duke marrë parasysh që futbollistit nga Badía, të vetmit titullar për momentin, i përfundon kontrata më 30 qershor, ndërsa dy të tjerëve në vitin 2024.

Largimi i tyre, në çdo rast dhe duke marrë parasysh që asnjëri nuk llogaritet për Xavi, mund të ndodhë më përpara, me të dyja palët që duhet të negociojnë zgjidhjen e kontratave.

Pagat e larta të të treve janë një hipotekë e trashëguar nga bordi aktual i drejtorëve, nga ai i mëparshmi. Disa prej këtyre lojtarëve kanë pranuar një ulje page në vitet e fundit, por kontratat janë ende shumë mbi shifrat e tregut dhe tani ato janë edhe më të vështira për t’u pranuar, sepse Pique dhe Alba nuk janë më titullarët e Xavi, shkruan Telesporti.

Janë kontrata që klubi ka thënë gjithmonë se do t’i respektojë, por për të cilat dëshiron të gjejë një zgjidhje, ndoshta në formë rezolute në muajt në vijim, që kjo hipotekë të zhbëhet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat