Sot luhet derbi më i zjarrtë i Superiores

Futboll

Sot luhet derbi më i zjarrtë i Superiores

Më: 2 tetor 2022 Në ora: 12:24
Sot luhet derbi më i zjarrtë i Superiores

Ditën e sotme do të luhet ndeshja më e zjarrtë e kësaj jave, derbi mes Tiranës dhe Partizanit.

Dy skuadra që sa herë që luajnë “paralizojnë” qytetin dhe ndryshojnë të gjitha temat e bisedave të qytetarëve të kryeqytetit. Sfida do të zhvillohet në orën 19:00 në Air Albania dhe pritet të ketë një numër të madh tifozësh.

Partizani këtë sezon duket se ka gjetur formën më të mirë, teksa në 5 ndeshje kanë grumbulluar 12 pikë dhe ndodhen në vendin e parë. Megjithatë fitoret kanë qenë me rezultat minimal duke mos treguar dominim mbi skuadrat e tjera.

Nga ana tjetër Tirana bëri një nisje jo të mirë të kampionatit, por fitorja e fundit ndaj Teutës me shifrat 4-0 kanë ngritur lart moralin e bardhebluve. Partizani-Tirana pritet të jetë një derbi mjaft i luftuar dhe plot emocione.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat