Nëntë gola në sfidën Manchester City - Manchester Utd, ky është fituesi

Futboll

Nëntë gola në sfidën Manchester City - Manchester Utd, ky është fituesi

Më: 2 tetor 2022 Në ora: 16:52
Manchester City

Manchester City ka shënuar fitore me rezultat të thellë 6:3 ndaj Manchester Unitedit, në kuadër të javës së nëntë në Premierligë.

Tre gola nga Foden dhe tre të tjerë u shënuan nga Haaland në derbin lokal sot.

Përveç tre golave, Haaland kontribuoi edhe me dy asistime tjera, duke shkëlqyer sot.

Foden e nisi festivalin e golave në minutën e tetë, për ta vazhduar pastaj Haaland me dy gola brenda 45 minutave të parë.

Foden realizoi për 4:0 në minutën e 44-të.

Man Utd e ngushtoi epërsinë në 4:1 në minutën e 56-të, kur Antony realizoi një gol të bukur.

Haaland e kompletoi hat-trikun e tij në minutën e 64-të, kurse Foden nëntë minuta më pas.

“Djajtë e Kuq” e shënuan edhe golin e dytë nga Martial në minutën e 84-të.

Në minutën e fundit, Martial shënoi sërish nga pika e penalltisë për 6:3.

Me këtë fitore, Manchester City shkon në kuotën e 20 pikëve në vendin e dytë, një më pak se Arsenali.

Në anën tjetër, Manchester United mbetet i gjashti me 12 pikë gjithsej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat