Kampioni i Kosovës nuk i shfrytëzon rastet, turqit e ndëshkojnë 

Futboll

Kampioni i Kosovës nuk i shfrytëzon rastet, turqit e ndëshkojnë 

Kemajl Goca Nga Kemajl Goca Më 13 tetor 2022 Në ora: 20:54 Përditësuar në ora: 23:20 më 13.10.2022
Pamje nga ndeshja

Frashëri justifikon humbjen

Ballkani doli i mposhtur me rezultatin 1-2 nga ndeshja me Sivassporin teksa pas sfidës portieri Stivi Frashëri për SuperSport theksoi se episodet po e ndëshkojnë skuadrën ndërsa shtoi se ekipi duhet ta marrë këtë situatë pa stres dhe të mendojë për ndeshjet e radhës.

“Janë disa momente në futboll që të dënojnë, bëmë pjesë të parë të mirë, e nisëm ashtu edhe pjesën e dytë. Janë episode që na ndëshkojnë dhe po ndodhin shpesh, ishte fati dhe futbolli është episodik”.

“Lodhja ndikon se kemi luajtur mes kampionatit dhe Evropës, por rastet për të mbyllur ndeshjen i kishim”.

“Nëse do të ishte një terren tjetër do të ishte ndryshe. Në futboll mund të ndodhë gjithçka, ne do ta marrim pa stres. Kemi edhe dy ndeshje dhe të shohim çfarë do të ndodhë”, u shpreh Frashëri.

Ballkani gabon në Prishtinë

Ballkani i Therandës, kampion në  fuqi, ka treguar angazhim e lojë të mirë, raste ideale por kjo nuk mjafton kur nuk i shfrytëzon rastet! 

Sivasspor ka shënuar fitore me rezultat 2:1 ndaj Ballkanit, në takimin që u zhvillua në stadiumin “Fadil Vokrri” në Prishtinë.

Ballkani lëshon pozitën e parë në grupin G të Conference League dhe minimizon gjasat për kualifikim.

Në minutën e 30-të, Albion Rrahmani i vetëm me portier por goditja e tij nga rreth 10-11 metra shkon mbi portë. 

Ballkani kalon në epërsi në minutën e 37-të. Armend Thaqi nga rreth 17 metra shënon në këndin e poshtëm dhe gëzon pamasë rreth 13 mijë shikues në stadium. 

Në minutën e 42-të, Ermal Krasniqi godet fortë ndërsa portieri Vural mezi dëbon topin në korne.

Në pjesën e dytë, në minutën e 51-të, Ermal Krasniqi i vetmuar por goditja e tij përfundon në këmbë të portierit Vural.

Kur nuk i shfrytëzon rastet edhe pëson. Në minutën e 72-të, zëvendësuesi Arslan me kokë ka shënuar duke barazuar rezultatin 1:1.

Karol Angielski në minutën e 81-të, i jep goditjen të rëndë kampionit të Kosovës, duke shënuar për 1:2, pasi që mbrojtja nuk reagoi si duhet. 

Sivasspor kryeson me 7 pikë, pasojnë Cluj 7, Ballkani 4 dhe Slavia 4 pikë.

Ballkani - Sivasspor 1:2
Stadiumi "Fadil Vokrri" në Prishtinë.
Shikues: 13.000.
Gjyqtar: M. Schuettengruber (Austria).
Shënues: Thaqi (37') –  Arslan  (72’), Angielski (81’).
Kartona të verdhë: Kuç – Yesilyurt, Charisis, Paluli.
Ballkani: Frashëri, Ar. Thaqi, Jashanica, As. Thaqi, Potoku (Kapra 88’), Dellova, Emërllahu, Zyba (Kuç 76’), Korenica (Zarubica 88’), Krasniqi (Lucas Cardoso 88’), Rrahmani (Berisha 88’).
Sivasspor: Vural, Paluli (N'Jie 55’), Osmanpasa, Goutas (Appidangoye 55’), Ciftci, Charisis (Arslan 55’), Yalcin, Sabia, Gradel, Yesilyurt, Yatabare (Angielski 67’).

Ballkani i fortë

(E plotësuar) -  81’ Edhe një gol, Karol Angielski realizon për 1:2 në favor të Sivasspor..

Ballkani - Sivasspor 1:2

Stadiumi "Fadil Vokrri" në Prishtinë.
Shikues: 13.000.
Gjyqtar: M. Schuettengruber (Austria).
Shënues: Thaqi (37') –  Arslan  (72’), Angielski (81’).
Kartona të verdhë: Kuç – Yesilyurt, Charisis, Paluli.
Ballkani: Frashëri, Ar. Thaqi, Jashanica, As. Thaqi, Potoku, Dellova, Emërllahu, Zyba (Kuç 76’), Korenica, Krasniqi, Rrahmani.
Sivasspor: Vural, Paluli (N'Jie 55’), Osmanpasa, Goutas (Appidangoye 55’), Ciftci, Charisis (Arslan 55’), Yalcin, Sabia, Gradel, Yesilyurt, Yatabare (Angielski 67’).

78' Sivasspor po mbrohet mirë.

75' Ballkanit i duhet fitorja gjithqysh.

72' Arslan me kokë shënon dhe barazon rezultatin 1:1.

70' Sivasspor po shfaqet më i rrezikshlm.

66' Portieri Stivi Frashëri reagon për mrekulli.

61’ Ballkani me n gulm synon golin e radhës.

Ballkani - Sivasspor 1:1
Stadiumi "Fadil Vokrri" në Prishtinë.
Shikues: 13.000.
Gjyqtar: M. Schuettengruber (Austria).
Shënues: Thaqi (37') - Arslan (72').
Kartona të verdhë: Kuç – Yesilyurt, Charisis, Paluli.
Ballkani: Frashëri, Ar. Thaqi, Jashanica, As. Thaqi, Potoku, Dellova, Emërllahu, Zyba, Korenica, Krasniqi, Rrahmani.
Sivasspor: Vural, Paluli (N'Jie 55’), Osmanpasa, Goutas (Appidangoye 55’), Ciftci, Charisis (Arslan 55’), Yalcin, Sabia, Gradel, Yesilyurt, Yatabare.

60' Sivassport në presion.

56' NJë Ballkan që po kënaq me lojë.

Ballkani - Sivasspor 1:0

Stadiumi "Fadil Vokrri" në Prishtinë.
Shikues: 13.000.
Gjyqtar: M. Schuettengruber (Austria).
Shënues: Thaqi (37').

Kartona të verdhë: Kuç - Yesilyurt.
Ballkani: Frashëri, Ar. Thaqi, Jashanica, As. Thaqi, Potoku, Dellova, Emërllahu, Zyba, Korenica, Krasniqi, Rrahmani.

Sivasspor: Vural, Paluli, Osmanpasa,Goutas, Ciftci, Charisis, Yalcin, Sabia, Gradel, Yesilyurt, Yatabare.

51' Ermal Krasniqi i vetmuar por goditja e tij përfundon në trup të portieri Vural.

49' Rrahmani godet por topi mbi portë.

47' Lojë e mirë, një Ballkan ashtu si i ka hije.

Përfundon pjesa e parë.

Ballkani - Sivasspor 1:0

Stadiumi "Fadil Vokrri" në Prishtinë.
Shikues: 13.000.
Gjyqtar: M. Schuettengruber (Austria).
Shënues: Thaqi (37').

Kartona të verdhë: Kuç - Yesilyurt.
Ballkani: Frashëri, Ar. Thaqi, Jashanica, As. Thaqi, Potoku, Dellova, Emërllahu, Zyba, Korenica, Krasniqi, Rrahmani.

Sivasspor: Vural, Paluli, Osmanpasa,Goutas, Ciftci, Charisis, Yalcin, Sabia, Gradel, Yesilyurt, Yatabare.

43' Jashanica gjuan larg mbi portë.

42' Ermal Krasniqi godet fortë ndërsa portieri Vural mezi dëbon topin në korne.

41' Ballkani po tregon lojë të madhe.

37' Ballkani në epërsi. Armend Thaqi nga rreth 17 metra shënon në këndin e poshtëm, 1:0 për Ballkanin.34' Dellova godet nga rreth 20 metra por mezi pret portieri Vural.

33' Ballkani po tregon lojë të mirë, pati edhe një rast ideal.

30' Albion Rrahmani i vetëm me portier, por goditja e tij nga 10-11 metra shkon mbi portë. 

26' Ndeshje e fortë në stadiumin "Fadil Vokrri".

20' Edhe më tej 0:0.15' Ballkani po kërkon me ngulm golin.

10' Ndeshje e fortë. Ballkani - Sivasspor 0:0.

7' Ballkani po tregon lojë të mirë.

3' Lojë e baraspeshuar, atmosferë e zjarrtë.

1' Fillon ndeshja.

Ballkani i Therandës, kampion në fuqi i Kosovës, synon fitore ndaj Sivasspor-it, në takimin që luhet në stadiumin “Fadil Vokrri” në Prishtinë.

Ndeshja është e xhiros së katërt të Grupit G të Conference League në futboll.

Ballkani ka 4 pikë sa ka edhe SIvasspor.

Ndeshja zgjon kureshtje të madhe, stadiumi është përplot me shikues anipse bie shi pa ndalur.

Elshani: Nuk e besonim që do arrinim kaq shumë

Administratori i Ballkanit Florim Elshani deklaroi se pas ecurisë së ekipit nga Suhareka, për të tashmë çdo gjë është e mundur.

Duke folur për emisionin “Zona Gol” në “SuperSport” ai tha se kanë shpresuar të kenë ecuri të mirë në Conference League, por se kanë besuar ndonjëherë se do arrinin kaq lart.

A keni menduar që do arrinit deri këtu? “Kemi shpresuar për të qëndruar gjatë, por ndoshta jo në këtë fazë ku jemi.”

Besoni në fitore? “Gjithçka e besoj. Tashmë për mua e pamundura është e mundur.”

Çfarë keni bërë që skuadra të mos jetë euforike më shumë seç duhet? “Me punën e Ilir Dajës besoj se nuk kanë fluturuar, por kanë luajtur futboll dhe kanë qenë me këmbë në tokë.”

Sa është në gjendje Ballkani të përballojë kampionatin dhe Conference League-n? “Normale që është ngarkesë, por profesori dhe i gjithë stafi mjekësor dhe atletik po e menaxhojnë situatën shumë mirë dhe djemtë po e përballojnë shumë mirë",

Ballkani kërkon triumfin e radhës ndaj Sivassporit

Ballkani zhvillon sonte ndeshjen e rëndësishme ndaj Sivassporit në stadiumin “Fadil Vokrri”. 

Është kjo përballja e katërt në Grupin G të Ligës së Konferencës për Ballkanin.

Javën e kaluar kampionët e Kosovës mposhtën skuadrën turke, Sivasspor me rezultat 4-3 si mysafir.

Janë publikuar formacionet zyrtare për ndeshjen e sotme:

Ballkani: Frashëri, Ar. Thaqi, Jashanica, As. Thaqi, Potoku, Dellova, Emërllahu, Zyba, Korenica, Krasniqi, Rrahmani.

Sivasspor: Vural, Paluli, Osmanpasa,Goutas, Ciftci, Charisis, Yalcin, Sabia, Gradel, Yesilyurt, Yatabare.

Kujtojmë se të gjitha biletat për këtë përballje interesante janë shitur 24 orë më parë.

Kjo ndeshje zhvillohet me fillim nga ora 21:00.

Ademi pret homologun nga Shqipëria

Ademi pret homologun nga Shqipëria, Duka – para duelit të Ballkanit ndaj Sivassporit!

Presidenti i Federatës së Futbollit të Kosovës, Agim Ademi takimin e sotëm në mes Ballkanit dhe Sivassporit, do ta ndjek në shoqëri të homologut të tij nga Shqipëria, Armand Duka dhe Presidentit të Kukësit, Safet Gjici.

Albanian News, ka siguruar pamje nga darka para takimit, e cila duket se është shtruar në Prizren. Krahas Ademit, aty shihen edhe anëtarët e Komitetit Ekzekutiv, Ismail Ajeti dhe Mirsad Qollaku.

Takimi në mes Ballkanit me turqi e Sivassporit, është i vlefshëm për xhiron e katërt të Grupit G, në Conference League.

Live: Tifozët sfidojnë shiun për Ballkanin

Ballkani është gati për një tjetër mrekulli, këtë mbrëmje në “Fadil Vokrri” përballë Sivasspor, të cilin e mposhti 3-4 një javë më parë në Turqi, duke marrë fitoren e parë në histori, në një kompeticion europian.

Reshjet e dendura të shiut nuk kanë penguar aspak tifozët që të shkojnë në shkallët e stadiumit, teksa klubi nga Theranda ka raportuar që dje se janë shitur të gjithë biletat.

Aktualisht skuadrat kanë dalë në nxehjen e zakonshme para ndeshjes, ndërsa tribunat e stadiumit “Fadil Vokrri” po mbushen gradualisht, me tifozerinë që shpreson në një tjetër mbrëmje magjike.

Trajneri Ilir Daja ka ndarë mendjen për formacionin që do të hedhë në fushë ndaj turqve, duke konfirmuar rreshtimin e tij të preferuar 4-3-3, teksa sfida starton në orën 21:00 dhe do të transmetohet live në ekranin e SuperSport 2.

comment Për komente lëvizni më poshtë
Sot mund të lexoni Shfletoni kopertinat