‘Rroftë Granit Xhaka’/ Ja çka shkruan gazeta zvicerane që e vendosi yllin shqiptar në ballinën kryesore

Futboll

‘Rroftë Granit Xhaka’/ Ja çka shkruan gazeta zvicerane që e vendosi yllin shqiptar në ballinën kryesore

Më: 4 dhjetor 2022 Në ora: 10:34
Granit Xhaka

Ndeshja Zvicër – Serbi dhuroi shumë emocione te pjesë më e madhe e shqiptarëve, për vetë faktin se po luanin Granit Xhaka e Xherdan Shaqiri, por jo vetëm shqiptarët, edhe mediumet e mëdha zvicerane kanë shkruar pa ndalur, e njëra prej tyre në ballinën kryesore e pati një titull ‘Rroftë Granit Xhaka’.

Zvicra fitoi ndeshjen me rezultat 3:2 dhe u kualifikua nga vendi i dytë i grupit në 1/8 e finales. Ishte pak a shumë skenari i njëjtë i Botërorit të vitit 2018, ku edhe aty eliminuan Serbinë për të vazhduar tutje, dhe sërish figurat kyçe ishin Xhaka e Shaqiri.

Në pjesën e parë të lajmit që i kushtohet Xhakës nga SonntagsZeitung flitet se si 30-vjeçari nuk dështon asnjëherë të jetë në qendër të vëmendjes me gjestet e tij.

Image
Ballina e medias zvicerane

“Të gjithë e dinim këtë, apo jo? Se kombëtarja e Zvicrës nuk mund të kalojë një turne të madh pa bërë bujë Granit Xhaka. Shqiponjë e dyfishtë, studio tatuazhesh, kapje e organit gjenital, një postim në Instagram - diçka funksionon gjithmonë.”

Në vazhdim nga gazeta e shtypur zvicerane thuhet se gjestet e tij mund të marrin kontekst politik, por e kaluara e familjes së tij nuk e lejon që të provokohet.

“Veprimin e fundit në lojën kundër Serbisë mund t’i quani si të doni: të panevojshëm, të pamend, të pavend. Është e diskutueshme se kush e ka ofenduar i pari. Dikush mund të ankohet që dikush merr sfondin politik të prindërve të tij në fushën e futbollit. Dhe pyesni veten nëse nuk ekziston gjithashtu mundësia që të paktën të lini një provokim t'ju kalojë.

Një vend si Zvicra rrallë sheh një lojtar si Granit Xhaka. Ai që krijon kaq shumë emocione në të njëjtën kohë dhe ende pothuajse gjithmonë jep në fushë më të mirën e tij.

Ai që qëndron në rrugën e tij gjatë gjithë kohës. Dhe akoma vazhdon. Në Arsenal ai u mallkua. Tani ai dhe klubi i tij janë në krye të ligës më të madhe në botë, Premierligës. Në Zvicër ai u sulmua pas shqiponjës dykrenorë në vitin 2018. Dhe festoi në vitin 2021 me flokë të lyera pas fitores kundër Francës.”

Kjo gazetë bënë thirrje që në shtetin e tyre të punohet me migrimin, integrimin e racizmin, në mënyrë që të dalin edhe Xhaka të tjerë, pasi sipas tyre pas daljes në pension të Granitit, Zvicra nuk do të ketë lojtar të tillë në vitet në vijim.

“Xhaka është ai që e do fërkimin. Duket se ai merr energji prej saj derisa të digjet. Ndonjëherë skuadra zvicerane digjet, si në Kupën e Botës në Rusi. Por ai është aty për ta shpëtuar kombëtaren sërish, si në Kampionatin Evropian të vitit të kaluar, si tani në fitoren magjike 3-2 ndaj Serbisë.

Image
Granit Xhaka

Nëse ai nuk sillet ashtu siç presin të gjithë prej tij, Zvicra mund të punojë për çështje të tilla si migrimi, integrimi dhe racizmi. Opsionale edhe ndaj skepticizmit të vaksinimit. Ai qëndron atje. Me një gjoks të gjerë. Dhe ai gjithashtu luan futboll të mirë.

Pas daljes në pension, ky vend nuk do të ketë një lojtar të tillë në vitet në vijim. Zvicra duhet ta shijojë sa më gjatë Granit Xhakën.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat