Media e madhe zvicerane: Hetim për diskriminim: FIFA nis procedura disiplinore kundër Serbisë

Futboll

Media e madhe zvicerane: Hetim për diskriminim: FIFA nis procedura disiplinore kundër Serbisë

Nga: K.G. Më: 5 dhjetor 2022 Në ora: 19:17
Kur Milenkoviq pa fije turpi sulmon Granit Xhakën

Media e madhe zvicerane “Tagesspiegel” sot ka shkruar për sfidën e nxehtë të së premtes mes Zvicrës dhe Serbisë, në kuadër të xhiros së tretë të Kampionatit Botëror, që po mbahet në Katar. 

Zvicra ka shënuar fitore me rezultat 3:2 ndaj Serbisë dhe është kualifikuar në të tetën e finales, ndërsa Serbia ka paketuar valixhet dhe është kthyer në Beograd. 

“Baza e hetimit është sjellja e pahijshme e lojtarëve dhe zyrtarëve serbë.  FIFA nuk ka njoftuar për ndonjë hetim ndaj zviceranit Xhaka”, shkruan “Tagesspiegel”.

“Federata Botërore e futbollit (FIFA) ka nisur procedurat disiplinore ndaj serbëve pas ndeshjes së diskutueshme kualifikuese të Kupës së Botës ndërmjet Serbisë dhe Zvicrës (2:3).

Ndër të tjera, po hetohen sjelljet e pahijshme të lojtarëve dhe zyrtarëve, si dhe diskriminimi, njoftoi FIFA të hënën. Ndeshja të premten e kaluar ka qenë e ndezur si asnjëherë. Serbët për shkak të disfatës sërish dështuan në raundin paraprak.

Kapiteni i Zvicrës, Granit Xhaka, është përplasur me pankinën serbe në pjesën e dytë.

Pas ndeshjes ai ka veshur fanellën e bashkëlojtarit të tij Ardon Jasharit. Jashari është edhe emri i një luftëtari të pavarësisë, i cili konsiderohet si bashkëthemelues i UÇK-së (Ushtrisë Çlirimtare të Kosovës) dhe simbol i rezistencës ushtarake kundër serbëve.

Ky veprim nuk kishte prapavijë politike, kishte protestuar Xhaka.

FIFA nuk ka njoftuar ende ndonjë hetim ndaj 30-vjeçarit Xhaka, i cili ka rrënjë të Kosovës. Zvicra do të përballet me Portugalinë në të tetën e finales, të martën”, përfundon shkrimi i gazetës zvicerane “Tagesspiegel”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat