Liverpooli dhe Manchester City do të përballen këtë të shtune në “Etihad”, por për dallim nga sezonet e kaluara, dy gjigantët anglezë tani takohen në rrethana të ndryshme.
Liverpooli e kërkon fitoren të shtunën me qëllimin për të shtuar presionin në Tottenhamin dhe Newcastle United për një vend në Ligën e Kampionëve, kurse City synon që ta vazhdojë me fitore garën drejt titullit dhe të zvogëlojë diferencën e pikëve me liderin e tabelës, Arsenalin.
Siç qëndrojnë gjërat, këtë sezon për dallim nga të tjerët, Arsenali është rivali i Cityt për titull dhe jo Liverpooli.
Tani, për derbin e së shtunës mes Cityt dhe Liverpoolit, i cili zhvillohet me fillim nga ora 13:30 në “Etihad”, Premier Liga e ka caktuar gjyqtarin.
Premier Liga e ka konfirmuar se Simon Hooper do të jetë referi i ndeshjes, ndërsa asistentët e tij do të jen Adrian Holmes dhe Simon Long.
Kjo nuk është hera e parë që Hooper ka ndarë drejtësinë në një ndeshje të Cityt ose Liverpoolit. Në shtator, ai u detyrua që t’i kërkoj falje legjendës së Liverpoolit, Steven Gerrard, pasi që i kishte mohuar Aston Villas golin e fitores ndaj Cityt.
