Trajneri i Interit, Simone Inzaghi, ka thënë se është i lumtur me fitoren dhe paraqitjen e skuadrës së tij ndaj Romës.
Skuadra “Nerazure” mundi Romën (1-0), në derbin e madhe të Italisë.
Inzaghi tha se fitorja ndaj Romës nuk ishte e lehtë ndaj një skuadre që mbrohet mirë.
Ai lavdëroi edhe Thuram-in, i cili shënoi golin e tri pikëve të mëdha të internistëve në garën për kreun e tabelës.
“Nuk ishte e lehtë fitorja ndaj një ekipi që mbrohet mirë. Atmosfera në ‘San Siro’ gjithmonë është e mirë, gjithnjë është e jashtëzakonshme” , ka thënë Inzaghi.
“Thuram duhet të vazhdojë të punojë si çdo ditë, me të njëjtën dëshirë. Është një djalë që i kushton shumë rëndësi detajeve. Ai luajti një ndeshje të shkëlqyer”, ka theksuar kreu i bankinës së Interit.
Pas fitores ndaj Romës, Inter kryeson tabelën me 25 pikë, dy më shumë së Juventusi.
