Drejtori sportiv i Borussia Dortmundit, Sebastian Kehl beson te verdhezinjtë, pavarësisht se në finalen e Champions League përballë do jenë galaktikët e Realit.
“Të gjithë janë të vetëdijshëm për dimensionin e kësaj ndeshje, djemtë tanë kanë disa vite që e shohin finalen e Champions League në TV dhe tani do ta luajnë si protagonistë. Kjo është ndeshja më e rëndësishme që mund të luhet në nivel klubi”.
“Këtë ndeshje duhet ta përballojmë drejt, pa u çmendur, por duke pasur besim te vetja dhe te skuadra. Do të ketë faza të vështira gjatë ndeshjes, por edhe momente në të cilat mund të befasojmë Realin”.
“Ata i kanë fituar të tetë finalet e Ligës së Kampionëve dhe hera e fundit që kanë humbur një finale ndërkombëtare ka qenë viti 1983. Ata kanë shumë përvojë, e cila i mungon skuadrës sonë, ndaj dhe atyre iu është caktuar qartë roli i favoritit. Por ne do të përpiqemi të shfrytëzojmë mundësinë dhe do të jetë një detyrë shumë emocionuese”.
“Ne kemi vullnetin për të dhënë gjithçka dhe gëzimin e të qenit të guximshëm sepse nuk kemi asgjë për të humbur”- tha ai.
