Selektori i Spanjës: Këta lojtarë janë shembull vlerash për kombin spanjoll

Futboll

Selektori i Spanjës: Këta lojtarë janë shembull vlerash për kombin spanjoll

Më: 5 korrik 2024 Në ora: 22:18
Luis De la Fuente

Luis De la Fuente, trajneri i Spanjës, e ka komentuar kështu suksesin ndaj Gjermanisë, në ndeshjen e vlefshme për çerekfinalet e “Euro 2024”.

Përshtypjet e ndeshjes: “Sot ishte një ndeshje tifozësh. Duke u përkushtuar dhe punuar si ekip, ju merrni rezultate”.

Lojtarët që do të mungojnë në gjysmëfinale: “Secili nga 26 lojtarët është gati. Secili ka rolin e tij në kohën e duhur. Jam shumë krenar për këta lojtarë. Do të përpiqemi të kemi numrin më të madh të forcave në dispozicion”.

Ndryshimi i qëndrimit në kohën shtesë: “Goli ishte një goditje e fortë. Efekti psikologjik ishte po ashtu i fortë. Duhen disa minuta për t’u kthyer në normalitet. Me kalimin e minutave treguam se mund të luanim sërish si më parë. Deri në golin e madh të Mikel Merino vazhduam të insistojmë. Unë dua ta përmirësoj këtë grup lojtarësh”.

Për lidhjen që ekipi ka me tifozët: “Nuk ka asgjë më krenare se të përfaqësosh vendin tënd dhe ta kesh popullin me vete.

Këta lojtarë janë shembull vlerash për Spanjën. Emocioni përhapet te njerëzit.

Nuk e di se çfarë do të bëjmë akoma, por gjithmonë do ta mbajmë kokën lart, do ta ngjisim Spanjën në vendin që meriton”.

Mbi dëmtimin e Pedrit: “Ai po vuante. Mendoj se ishte një ndërhyrje për të kuqe (faulli i Kroos ndaj Pedrit). Qoftë brenda apo jashtë fushës, ai do të vazhdojë të kontribuojë. Kur luan shumë, në këtë pikë, duhet t’i përdorësh të gjitha armët.

comment Për komente lëvizni më poshtë
Sot mund të lexoni Shfletoni kopertinat