Të mërkurën do të hapet zyrtarisht Liga e Shkollave të Prishtinës

Futboll

Të mërkurën do të hapet zyrtarisht Liga e Shkollave të Prishtinës

Më: 28 prill 2025 Në ora: 12:02
Foto ilustrim

Liga e Shkollave të Prishtinës do ta nisë një rrugëtim të ri me hapjen e këtij projekti të ri sportiv dhe edukativ që synon t’i kultivojë talentet e rinj dhe ta forcojë frymën e garës së ndershme mes nxënësve tanë.

Hapja zyrtare e Ligës së Shkollave të Prishtinës do të mbahet më 30 prill 2025, duke filluar nga ora 13:00, në ambientet e Shkollës Fillore “Dardania”, në oborrin e saj.

Ndeshja e parë hapëse do të zhvillohet mes ekipeve të: SHFMU “Dardania” vs. SHFMU “Faik Konica”

Kjo ligë synon të jetë një platformë për zbulimin e yjeve të ardhshme të futbollit dhe të promovojë sportin si vlerë edukative e shoqërore.

Në këtë ngjarje do të marrin pjesë dhe do t’u drejtohen të pranishmëve me fjalë rasti:

Z. Përparim Rama – Kryetar i Komunës së Prishtinës

Z. Agim Ademi – President i Federatës së Futbollit të Kosovës

Z. Samir Shahini – Drejtor i Arsimit në Komunën e Prishtinës

Z. Kushtrim Mushica – Drejtor për Sport në Komunën e Prishtinës

Ngjarja do të nderohet edhe me pjesëmarrjen e legjendave të sportit, në veçanti të futbollit, nga gjenerata e artë e Prishtinës, gjenerata e sakrificës, si dhe veteranë të futbollit, mësimdhënës, drejtorë shkollash, nxënës e shumë të ftuar të tjerë.

Eventi do të shoqërohet me muzikë, argëtim dhe një koktej rasti për të gjithë të pranishmit.

comment Për komente lëvizni më poshtë
Sot mund të lexoni Shfletoni kopertinat