Altin Rraklli: Nëse do të isha Silvinjo, do ta mbyllja me Shqipërinë

Futboll

Altin Rraklli: Nëse do të isha Silvinjo, do ta mbyllja me Shqipërinë

Më: 29 mars 2026 Në ora: 22:23
Altin Rraklli

Ish-sulmuesi i Kombëtares, Altin Rraklli, komentoi të ardhmen e Silvinjos, e cila është lëkundur ndjeshëm, pas disfatës me përmbysje ndaj Polonisë.

Kavajasi, ndër të tjera deklaroi:

“Unë them që i kemi të gjitha mundësitë që të shikojmë përpara. Ekipi u përfaqësua shumë mirë.

Pilo ishte një element i ri që mua më pëlqeu shumë, pavarësisht rastit që humbi. Lojtarët e rinj që kemi duhet t’i japim shansin për këtë ndeshje, sepse miqësoret janë për këtë qëllim.

Nëse unë do të isha Silvinjo, do ta mbyllja me Shqipërinë dhe do të kërkoja diçka tjetër. Patjetër që ka bërë një punë të konsiderueshme dhe ndoshta ka dëshirë të vazhdojë”, përfundoi Rraklli.

comment Për komente lëvizni më poshtë
Sot mund të lexoni Shfletoni kopertinat