Shkolla “28 Nëntori” nderon jetën dhe veprën e mësuesit Daut Bytyçi me turne futbolli

Futboll

Shkolla “28 Nëntori” nderon jetën dhe veprën e mësuesit Daut Bytyçi me turne futbolli

Më: 29 maj 2026 Në ora: 16:08
Shkolla “28 Nëntori” nderon jetën dhe veprën e mësuesit Daut Bytyçi me turne futbolli

Në shkollën “28 Nëntori” në fshatin Kërvasari është mbajtur turneu i futbollit në nderim të mësuesit të ndjerë Daut Bytyçi, duke bashkuar nxënës, mësimdhënës, familjarë dhe pjesëmarrës të shumtë për të kujtuar jetën dhe kontributin e tij në arsim dhe edukim.

Në fjalën e rastit u theksua se Daut Bytyçi ishte një edukator i përkushtuar, koleg i respektuar dhe njeri që la gjurmë të pashlyeshme te shumë breza.

Përmes këtij aktiviteti sportiv u kujtuan vlerat që ai përcolli gjatë jetës së tij, si përkushtimi, respekti, ndershmëria dhe dashuria për dijen.

U vlerësua gjithashtu se sporti bashkon njerëzit, ashtu siç i bashkonte edhe vetë mësuesi Daut Bytyçi me shembullin dhe punën e tij ndër vite, ndërsa turneu u cilësua si një shenjë respekti dhe kujtimi për jetën dhe veprën e tij.

Në emër të Drejtorisë së shkollës, u shpreh mirënjohje për të gjithë ata që kontribuuan në organizimin e turneut, në veçanti për organizatorin dhe mësimdhënësin e edukatës fizike Musli Bytyçi, stafin e mësimdhënësve, familjen e mësuesit veteran dhe të gjithë pjesëmarrësit që nderuan me praninë e tyre kujtimin e tij.

comment Për komente lëvizni më poshtë
Sot mund të lexoni Shfletoni kopertinat