Roberto Mancini është zyrtarisht një trajner i lirë, dhe rikthimi i tij në kombëtaren italiane nuk ka qenë kurrë më afër.
Trajneri, i cili bëri histori me Manchester City duke fituar Premierligën, ka njoftuar largimin e tij nga klubi në Katar, duke hapur rrugën për një kapitull të ri në karrierë.
Mancini ka konfirmuar zyrtarisht fundin e aventurës së tij në Lindjen e Mesme.
Në një video të publikuar në rrjetet e tij sociale, ish-trajneri i Interit dhe Manchester Cityt i dha lamtumirën tifozëve të Al-Sadd, duke konfirmuar thashethemet se ai nuk ishte më pjesë e projektit të klubit, pas disa sukseseve në nivel lokal.
“Përshëndetje të gjithëve, po e bëj këtë video për të falënderuar të gjithë tifozët e Al-Sadd që na mbështetën gjatë gjithë vitit dhe na lejuan të rikuperojmë shumë pozita deri sa fituam kampionatin. Faleminderit klubit dhe drejtuesve për ndihmën që i dhanë mua dhe stafit tim për t’u integruar,” tha Mancini.
Pavarësisht thashethemeve të vazhdueshme që e lidhnin me stolin e Italisë, Mancini deshi t’u kushtonte një mendim të fundit lojtarëve të tij dhe kombëtares së Katarit për Kupën e Botës.
Ai theksoi vlerën njerëzore të grupit me të cilin punoi gjatë kohës së tij jashtë vendit.
Ai shtoi: “Faleminderit lojtarëve të mi fantastikë, si në fushë ashtu edhe jashtë saj, për përkushtimin e tyre për ekipin. Dhe në fund, shumë fat për kombëtaren e Katarit që sot nis rrugëtimin në Kupën e Botës. Faleminderit shumë, do të jeni gjithmonë në zemrën time”.
Tani që Mancini është pa kontratë, Federata Italiane e Futbollit (FIGC) mund të përshpejtojë përpjekjet për ta rikthyer si trajner të kombëtares së Italisë.
Posti i trajnerit të Italisë është aktualisht vakant pas dorëheqjes së Gennaro Gattuso, pasi Italia dështoi të kualifikohej për Kupën e Botës 2026..
