Atletico Madridi afër të nënshkruajë me shënjestrën e Barcelonës këtë verë

Futboll

Atletico Madridi afër të nënshkruajë me shënjestrën e Barcelonës këtë verë

Më: 10 gusht 2026 Në ora: 23:01
Simeone

Atletico Madridi është afruar ndjeshëm me transferimin e një prej objektivave të Barcelonës në merkaton e kësaj vere.

Eksperti i transferimeve Fabrizio Romano shkroi në llogarinë e tij në rrjetin “X”: “Cristian Romero është pranë Atletico Madridit. Marrëveshja është tashmë afër finalizimit, ndërsa së shpejti pritet t’i dërgohet Tottenhamit një ofertë e re”.

Ai shtoi: “Romero ka dhënë dritën jeshile për transferimin te Atletico Madrid dhe bisedimet mes dy klubeve kanë hyrë në fazat e fundit”.

Romano vijoi: “Tottenham nuk e ka konsideruar kurrë shitjen e Romeros te rivali i qytetit, Arsenali. Ndërkohë, Barcelona vazhdon të jetë e fokusuar te marrëveshja për Rodrin dhe deri tani nuk ka paraqitur asnjë ofertë për mbrojtësin e Tottenhamit”>

Disa raportime e kanë përmendur Cristian Romeron si një prej opsioneve të Barcelonës për të përforcuar qendrën e mbrojtjes, veçanërisht pas largimit të Ronald Araujos drejt Liverpoolit në formën e huazimit këtë verë.

Megjithatë, nëse Atletico Madrid arrin të finalizojë marrëveshjen me Tottenhamin, Barcelona rrezikon të humbasë një tjetër objektiv të rëndësishëm për repartin defensiv.

Sot mund të lexoni Shfletoni kopertinat