Futbollisti shqiptar me gol në minutën 90+6 i solli fitoren Sarajevës! 

Futboll

Futbollisti shqiptar me gol në minutën 90+6 i solli fitoren Sarajevës! 

Nga: K.Goca Më: 3 shtator 2026 Në ora: 13:07
Agon Elezi

Sa dramatike ishte ndeshja derbi e kampionatit të Bosnjë-Hercegovinës mes Shiroki Brijegut dhe Sarajevës, ku në rolin kryesor ishte futbollisti shqiptar Agon Elezi.

Shiroki Brijegu kaloi në avantazh në pjesën e dytë, ndërsa Sarajeva arriti të barazojë në fund të kohës së rregullt.

Më pas, në minutën e gjashtë të shtesës, 90+6, Elezi u gjend në vendin e duhur pranë portës vendase dhe e dërgoi topin në rrjetë për 1:2.

Goli u kontrollua nga VAR-i, por pas verifikimit u konfirmua dhe Elezi së bashku me bashkëlojtarët e tij festuan fitoren e madhe.

Vendasit kishin kaluar në epërsi në minutën e 79-të me Guedesin, ndërsa Ricardo Caraballo barazoi në minutën e 90-të. Pastaj erdhi momenti vendimtar i Elezit në 90+6.

Elezi pati edhe një mundësi të madhe më herët në ndeshje dhe madje mori karton të verdhë në minutën e 76-të, por në fund u bë heroi i Sarajevës me golin vendimtar. Ky ishte goli i tij i parë në kampionatin boshnjak në sezonin e ri.

Sot mund të lexoni Shfletoni kopertinat