Valmir Veliu është operuar dhe do të mungojë për një kohë në petkun e liderit të kampionatit Prishtinës.
Operimi i tij ka shkuar mirë gjithnjë duke iu referuar faqes së klubit.
“Futbollisti ynë, Valmir Veliu, i është nënshtruar me sukses ndërhyrjes kirurgjikale në gjurin e djathtë, pas lëndimit të pësuar gjatë fazës përgatitore në Turqi, në një ndeshje miqësore.
Intervenimi është kryer me sukses nga ortopedi i mirënjohur, Dr. Qerim Kida, ndërsa Veliun tani e pret një periudhë e rikuperimit dhe rehabilitimit.
FC Prishtina do të jetë pranë Valmirit gjatë gjithë kësaj periudhe dhe i uron atij rikthim sa më të shpejtë dhe të fuqishëm në fushën e futbollit.
Shërim të shpejtë, Valmir!”, ka njoftuar FC Prishtina.
