Ndeshja mes Polissya Zhytomyr dhe Kudrivka, e vlefshme për Kupën e Ukrainës, është ndërprerë për shkak të alarmit për sulm ajror.
Takimi është ndërprerë për herë të dytë gjatë mbrëmjes, pasi një alarm i ngjashëm ishte aktivizuar edhe në pjesën e parë të ndeshjes.
Situata e sigurisë në Ukrainë ka bërë që aktivitetet sportive të ndërpriten sa herë që aktivizohen alarmet për sulme ajrore, me lojtarët dhe stafin që duhet të largohen nga fusha për arsye sigurie.
Kujtojmë që te skuadra e Polissya Zhytomyr luajnë dy lojtarë nga Kosova: Lindon Emërllahu dhe Ilir Krasniqi.
Ende nuk dihet se kur do të rifillojë ndeshja, pasi gjithçka varet nga përfundimi i alarmit dhe vlerësimi i situatës së sigurisë.
