Në pritje të reformës së “Nations League”, që nga sezoni 2028/29 do të ketë 18 skuadra për ligë, ndryshojnë edhe rregullat e edicionit 2026/27.
UEFA ka ndryshuar mekanizmat e ngjitjes dhe rënies për të përshtatur formatin e ri. Italia ruan të njëjtat mundësi për të kaluar në çerekfinale; aty kualifikohen fitueset dhe vendet e dyta të katër grupeve të Ligës A.
Ndryshimi kryesor lidhet me rënien nga kategoria.
Në edicionin e kaluar, katër vendet e fundit binin direkt në Ligën B, ndërsa të katërtat luanin “play-off”.
Tani, vetëm dy vendet e katërta me renditjen më të dobët do të bien direkt. Dy vendet e treta më të mira do të qëndrojnë në Ligën A, ndërsa dy të tretat më të dobëta dhe dy të katërtat më të mira do të luajnë “play-off” kundër vendeve të dyta të Ligës B.
Italia do të luajë 4 ndeshje në 11 ditë dhe në fund do të mësojë nëse do të luftojë për çerekfinalet apo mbijetesën. Për të siguruar pjesëmarrjen direkte në Ligën A të edicionit të ri, do të jetë e rëndësishme të kualifikohet në çerekfinale ose të paktën të jetë mes dy vendeve të treta më të mira.
