Mrekullia e skuadrës shqiptare, Otrant Olimpik lider i ri në Kampionatin e Malit të Zi 

Futboll

Mrekullia e skuadrës shqiptare, Otrant Olimpik lider i ri në Kampionatin e Malit të Zi 

Nga: K.Goca Më: 20 shtator 2026 Në ora: 21:05
Otrant Olimpik

Skuadra shqiptare, Otrant Olimpik nga Ulqini, është lider i Kampionatit të Malit të Zi. 

Në javën e 9-të të MeridianBet Ligës së Parë të Malit të Zi, Otrant Olimpik e mposhti Jezeron me rezultat 4:1.

Deçiçi barazoi me Mornarin 1:1, ndërsa Bokeli SBBet mposhti Mlladost Lob.Bet 3:0.

Është përmbyllur cikli i parë i kampionatit malazez, me nëntë javë të zhvilluara, dhe në krye të tabelës në pushimin e kombëtareve shkon Otrant-Olimpik.

“Skuadra nga Ulqini është befasia më e këndshme e këtij fillimi të kampionatit. Sot, në fushën e vet, mposhti Jezeron 4:1 dhe mori kreun e tabelës.

Otrant kaloi në epërsi që në minutën e tretë, kur Valentin Rudoviq shënoi nga penalltia. Jezero barazoi vetëm tri minuta më vonë përmes Milivoje Raiçeviqit.

Në pjesën e dytë, ekipi i trajnerit Milija Savoviq i dha fund shpejt çdo dileme. Srgjan Krstoviq shënoi në minutën e 51-të për 2:1, ndërsa në minutën e 60-të Petar Vukoviq realizoi për 3:1.

Rezultatin përfundimtar 4:1 e vendosi sërish Rudoviq, me golin e tij në minutën e 82-të”, ka shkruar media malazeze “Vijesti”. 

Në vendin e dytë është Deçiqi, i cili në shtëpi barazoi me Mornarin 1:1. Mysafirët nga Tivari kaluan në epërsi në minutën e 40-të me golin e Susit, ndërsa Deçiçi arriti barazimin në minutën e 80-të falë Jovan Mugoshës.

Otrant Olimpik kryeson me 16 pikë, pason skuadra tjetër shqiptare Deçiqi me 15, Bokeli 15, Buduçnosti 14, Mornari 13, Sutjeska 11 pikë etj.

Sot mund të lexoni Shfletoni kopertinat