Grasshoppersi ka zhgënjyer para tifozëve të vet, duke pësuar humbje 2:0 nga Young Boys, në ndeshjen e javës së dhjetë të elitës së futbollit zviceran.
Futbollistët Essende (49') dhe Fassnacht (52') shënuan golat e fitores për skuadrën e Young Boys.
Kapiteni Amir Abrashi, si dhe Bujar Pllana e Samuel Krasniqi, u paraqitën nga minuta e parë për Grasshoppersin.
Në renditjen e kampionatit, Lugano kryeson me 28 pikë, e ndjekur nga Young Boys me 22, ndërsa Grasshoppersi renditet në vendin e dhjetë me 10 pikë.