Lionel Messi zgjodhi të mos udhëtonte drejt Londrës për të marrë pjesë në ceremoninë e ndarjes së çmimit të Topit të Artë 2026.
Tetë herë fituesi i trofeut u rendit në vendin e pestë të këtij edicioni, duke shënuar rikthimin e tij në listën e ngushtë pas tre vitesh mungesë.
Përfaqësimi i tij në këtë listë erdhi falë paraqitjeve të tij mbresëlënëse ku shënoi tetë gola dhe dërgoi Argjentinën në finalen e madhe të Botërorit.
Sidoqoftë, humbja në ndeshjen vendimtare kundër Spanjës e la atë jashtë garës kryesore për fitimin e trofeut. Duke e ditur se nuk do të fitonte dhe për shkak të angazhimeve të afërta të Inter Miamit kundër Cincinnati, ai vendosi të shmangë udhëtimin e gjatë transatlantik.
Në vend që të ishte i pranishëm në sallën gala të kryeqytetit britanik, sulmuesi preferoi të qëndronte në Florida. Atje, ai ndoqi nga afër ndeshjet e turneut të tij të të rinjve “Messi Cup”, ku konkurrojnë skuadra prestigjioze nga e gjithë bota.