Milani synon fitoren e katërt radhazi në San Siro

Futboll

Milani synon fitoren e katërt radhazi në San Siro

Më: 28 tetor 2026 Në ora: 18:08
Foto ilustrim

Milani do ta presë Bolognan në kuadër të xhiros së nëntë të Serie A, me synimin për ta ruajtur bilancin e përsosur në ndeshjet në shtëpi këtë sezon. Kuqezinjtë mbeten të pamposhtur në kampionat dhe mbështeten edhe te tradita shumë pozitive në përballjet direkte me Bolognan.

Milani është një nga katër skuadrat që ende nuk kanë pësuar humbje në Serie A këtë sezon.

Skuadra kuqezi e vazhdoi serinë pozitive me fitoren 2-0 ndaj Udineses në ndeshjen e fundit, duke e çuar bilancin në pesë fitore dhe tri barazime pas tetë xhirove.

Falë kësaj ecurie, Milani ndodhet vetëm katër pikë larg vendit të parë në tabelë.

Një nga pikat më të forta të skuadrës është mbrojtja, e cila ka pësuar vetëm shtatë gola, duke pasur bilancin e tretë më të mirë në kampionat, së bashku me skuadrat e tjera që kanë pranuar po aq gola.

Në përballjen me Bolognan, Milani do të kërkojë fitoren e katërt në katër ndeshjet e para në shtëpi të një sezoni të Serie A.

Një arritje të tillë kuqezinjtë e kanë regjistruar vetëm tri herë gjatë këtij shekulli, për herë të fundit në sezonin 2021/22.

Statistikat sulmuese në San Siro janë gjithashtu inkurajuese, pasi Milani ka arritur të shënojë në 19 nga 22 ndeshjet e fundit në shtëpi në Serie A, duke llogaritur nga fillimi i sezonit të kaluar.

Sot mund të lexoni Shfletoni kopertinat