Ndonëse ishte dominuese në rastet e krijuara kundër Egnatias, Teuta doli e mposhtur në Rrogozhinë me rezultatin 0 - 1, aty ku vendosi goli i Adjessa.
Në javën e 10-të të Superiores, bregdetarët do të kërkojnë me patjetër fitoren ndaj Partizanit, me synimin për të mos humbur më shumë terren ndaj kryesuesve të Egnatias.
Pak minuta më parë, në postimin e fundit në rrjetet sociale, Teuta ka publikuar posterin e ndeshjes, ku shfaqet “gjiganti” i sulmit, Mmesoma Umejiego, i cili është 203 centimetra i gjatë dhe ka shënuar 4 gola në 9 paraqitje.
Sa i përket Partizanit, situata është e qartë, vetëm fitorja mund ta nxjerrë nga “gropa” ku ndodhet, në vendin e fundit të renditjes.
Ndërkohë, trajneri Mislav Karoglan është gati të “lëvizë të gjithë gurët” në planin taktik, për të marrë fitoren e parë me 17 herë kampionët e Shqipërisë.