I shënoi Serbisë, selektori gjerman jep përgjigje interesante për shqiptarin: Vendimin e kam marrë!

Futboll

I shënoi Serbisë, selektori gjerman jep përgjigje interesante për shqiptarin: Vendimin e kam marrë!

Nga: K.G. Më: 15 nëntor 2026 Në ora: 19:37
Selektori i Gjermanisë shfaqet i buzëqeshur në konferencën për shtyp, teksa pret me padurim përballjen me Holandën. Klopp foli edhe për futbollistin shqiptar Brajan Gruda

Futbollisti shqiptar Brajan Gruda pati një mbrëmje fantastike në Beograd, të premten që lamë pas, duke shënuar në fitoren bindëse të Gjermanisë ndaj Serbisë me rezultat 3:1.

Goli i tij tërhoqi vëmendje të madhe, pasi erdhi pas një aksioni individual fantastik. Gruda përshkoi rreth 50 metra me topin në këmbë dhe në minutën e 50-të realizoi një gol të bukur nga rreth 17 metra, duke e dërguar topin në këndin e majtë të portës serbe.

Gjermaninë e pret tashmë një tjetër përballje e rëndësishme, ajo ndaj Holandës, e cila zhvillohet nesër mbrëma, në orën 20:45, në kuadër të Grupit 2 të Ligës A të Kombeve.

A do të jetë Gruda sërish titullar, pas paraqitjes së shkëlqyer kundër Serbisë?

Kjo ishte pyetja që iu drejtua selektorit gjerman, Jürgen Klopp.

“Vendimin e kam marrë, por nuk do t'ju tregoj se cili është.

Në parim, kur paraqitja ka qenë e mirë, ka shumë gjasa që futbollisti të luajë përsëri nga minuta e parë“, u shpreh Klopp në konferencën për media, pa zbuluar formacionin, shkruan mediumi gjerman “Kicker”.

Sa i përket renditjes në Grupin 2, Holanda kryeson me 11 pikë, e ndjekur nga Greqia dhe Gjermania, që kanë nga 8 pikë, ndërsa Serbia renditet në vendin e fundit pa pikë.

comment Për komente lëvizni më poshtë
Sot mund të lexoni Shfletoni kopertinat