Drejtuesit e KOK-ut, presidenti Ismet Krasniqi, sekretari i përgjithshëm Besim Aliti dhe nënkryetarët Milaim Kelmendi dhe Arben Fetahu, pritën përfaqësuesit e Ambasadës së Shteteve të Bashkuara të Amerikës në Kosovë, Craig Kim, zyrtar për çështje ekonomike dhe Atdhetare Kelmendi, këshilltare për ekonomi dhe tregti.
Krasniqi, pasi i falënderoi mysafirët për vizitën, i informoi ata për arritjet dhe aktivitetet e KOK-ut.
Krasniqi foli me theks të veçantë sukseset e sportistëve tanë, si dhe shprehu vullnetin dhe gatishmërinë për të forcuar bashkëpunimin mes dy institucioneve.
Gjatë takimit u diskutua për Lojërat Olimpike Los Angeles 2028, Lojërat Mesdhetare Prishtina 2030 dhe iniciativa të tjera të ardhshme.