Maldini: Milani s’heq dorë nga gara për titull

Futboll

Maldini: Milani s’heq dorë nga gara për titull

Më: 8 dhjetor 2020 Në ora: 13:16
Maldini: Milani s’heq dorë nga gara për titull

Drejtori teknik i Milanit, Paolo Maldini, ka thënë se kuqezinjtë nuk do të heqin dorë nga gara për titull në Serie A këtë sezon.

Kuqezinjtë janë liderë në Serie A me 26 pikë nga 10 ndeshje dhe janë të pamposhtur në 22 ndeshje radhazi në ligë.

Maldini tregoi se nuk e priste një ecuri kaq të shkëlqyeshëm dhe pranoi se rezultatet në vitin 2020 mund t’i jepnin Milanit një shans në betejën e Scudettos.

“Ne nuk po kërkojmë statistika për t’u përmirësuar, por për suksese”, u deklarua Maldini.

“Sinqerisht, nuk e prisja një ecuri kaq të gjatë në ligë, por unë tashmë i kisha parë shenjat në janar, para se bota të ndalej”.

Gjithashtu Maldini tha se kuqezinjtë kanë vendosur një synim për të luajtur më mirë se sezonin e kaluar, kur skuadra u kualifikua në Evropa Ligë.

“Rezultatet e vitit 2020 thonë që Milani të luftojë për Scudetto”, shtoi ai.

“Minimumi është të bëjmë më mirë sesa herën e kaluar. Ne u kualifikuam në Evropa Ligë dhe ideja është të bëjmë më shumë”.

“Do të ishte absurde të mos shkonim në Ligën e Kampionëve, edhe nëse pronësia nuk na ka dhënë një kontribut në këtë kuptim”.

Ai pranoi se ata po ëndërrojnë Scudetto dhe u zotua se lojtarët e Stefano Pioli nuk synojnë të heqin dorë.

“Milani po ëndërron dhe nuk dëshiron ta ndalojë më”,  vazhdoi ai.

“Unë gjithmonë kërkoj nga lojtarët që të jenë ambiciozë. Ju duhet një qëllim pothuajse utopik për të arritur atë të mundshmin”.

Maldini gjithashtu foli për pretendentet për titull dhe  se ka frikë në rast ngritje të Interit, por pranoi se Juventusi po njihet me metodat e reja të trajnerit Andrea Pirlo dhe mund të rikthehen në garë, por ai gjithashtu shtoi Napolin në listën e pretendentëve.

“Unë pres një rritje të madhe të Interit, Juve ka një trajner të ri dhe duhet të mësohen me metoda të reja.

“Juve, Inter, dhe Napoli do të luftojë edhe për Scudetton. Ne nuk do të largohemi. Për mua, nuk ka asnjë ndryshim, unë mendoj për rrugën tonë. Ne shkojmë sipas mënyrës sonë ”.

Por Maldini theksoi se Milani nuk do ta injorojë detyrën e tyre në Evropë që të përqendrohet vetëm në Serie A.

“Ne luftuam aq shumë për të luajtur në të, do të ishte marrëzi ta injoronim tani”.

commentFirst article
Sot mund të lexoni Shfletoni kopertinat