Është mbyllur faza e grupeve në Ligën e Evropës, ku nuk kanë munguar ndeshjet e mëdha, golat dhe spektakli.
Tanimë 32 klube e kanë siguruar kalimin në fazën e eliminimit direkt.
Tetë klube vijnë nga Liga e Kampionëve, pasi në këtë garë në grupet e tyre e kanë zënë vendin e tretë.
24 ekipe tjera e kanë siguruar vendin në këtë fazë, duke zënë dy pozitat e parë në grupet e Ligës së Evropës.
Në këtë garë nuk mungojnë emra të klubeve si Milan, Ajax, Manchester United, Arsenal, Roma, Tottenham, Napoli e PSV.
Shorti do të zhvillohet në Nyon, Zvicër, të hënën më 14 dhjetor.
Ndeshjet e para do të luhen të enjten me 18 shkurt, me ndeshjet e dyta më 25 shkurt.
Ekipet e kualifikuara
AC Milan, Ajax, Antëerp, Arsenal, Benfica, Braga, Club Brugge, Crvena zvezda, Dinamo Zagreb, Dynamo Kyiv, Granada, Hoffenheim, Krasnodar, Leicester City, Leverkusen, LOSC Lille, Maccabi Tel-Aviv, Manchester United, Molde, Napoli, Olympiacos, PSV Eindhoven, Rangers, Real Sociedad, Roma, RB Salzburg, Shakhtar Donetsk, Slavia Praga, Tottenham, Villarreal, Wolfsberg, Young Boys.
