Ka një tabu brenda tabusë. E për ta thyer mendon e përditshmja l’Equipe që nxjerr në pah një rast të ri të abuzimit seksual që trondit qendrën federale të Clairefontaine në Francë.
Këtë herë skandali nuk ka të bëjë me futbollin e burrave, por futbollin e grave. Pas viteve në heshtje, shfaqet një histori dhune ndaj të rejave që aspirojnë të bëhen futbolliste, madje disa prej tyre të mitura, nga ana e një trajnere.
Sipas rindërtimit të gazetës sportive, gruaja, e cila ka stërvitur lojtare të ndryshme të spikatura të ekipit kombëtar dhe të klubeve kryesore franceze, u shkarkua nga Federata, por institucioni më pas nuk paralajmëroi punëdhënësit e ardhshëm për arsyet e largimit të saj nga puna.
Faktet datojnë që nga viti 2013, kur trajnerja, ish-futbolliste e nivelit të lartë, u çlirua nga detyra e saj, pas dhjetë vjet pune që e kishin sjellë deri në dyert e stat teknik të kombëtares së grave, ku ndër të tjera luajnë edhe shumë ish-nxënëse të saj. Për të shkatërruar dhjetë vitet e aktivitetit profesional kanë shërbyer marrëdhëniet e krijuara me disa vajza të strehuara në Clairefontaine.
Marrëdhënie dashurore, madje edhe me tre të mitura sipas Equipe që evokon një mekanizëm të shantazheve sentimentale për të mbajtur fshehtësinë dhe varësinë. Sidoqoftë, një fakt prishi ekuilibrin, në vitin 2011, kur trainerja u zbulua në shtrat me një nga këto vajza, nga një tjetër e re që vendosi të fliste.
Më pas, një ishte lojtare paraqiti ankesë për ngacmim seksual, që datonin që nga viti 2005, duke i lejuar hetuesit të hedhin dritë mbi metodat e trajneres që i merrte lojtaret në shtëpi, duke shfrytëzuar brishtësinë emocionale të shkaktuar edhe nga largimi i detyruar nga shtëpia.
Çështja u arkivua në 2015, por trainerja tashmë kishte gjetur një punë të re në një klub të kategorisë së parë, ku drejtuesit nuk ishin njoftuar nga Federata për skandalin e trajneres. Për autoritetet federale, asgjë nuk e ndalonte të vazhdonte të stërviste.
Ministria pretendon të kundërtën, por pranon se në atë kohë nuk kishte asnjë mënyrë për të ndërhyrë në një hetim që ishte duke u zhvilluar. Që nga viti 2019, trainerja ka qenë përgjegjëse për sektorin e të rinjve në një klub tjetër të futbollit të femrave.
