Lamtumirë Trepçës ’89, Bismark Sie po kalon tek skuadra e njohur

Futboll

Lamtumirë Trepçës ’89, Bismark Sie po kalon tek skuadra e njohur

Më: 7 shkurt 2021 Në ora: 13:09
Lamtumirë Trepçës ’89, Bismark Sie po kalon tek skuadra e njohur

Bismark Sie është shumë pranë të kalojë tek CSKA Sofia e Bullgarisë, teksa mediet ganeze këtë gjë e bëjnë punë të kryer, raporton Gazeta Olle.

Sulmuesi 19 vjeçar duket se ka impresionuar skuadrën më të trofeshme bullgare dhe ata kanë vendosur që ta blejnë kartonin e tij.

Sie ka qenë pjesë e kampit stërvitor të CSKA Sofies në Turqi, teksa së fundmi ka luajtur në një takim miqësor kundër Lokomotivës së Sofies.

Ai u fut si rezervistë dhe arriti të dhuroj një asistim, duke e impresionuar edhe trajnerin Bruno Akrapoviç që pas takimit thurri elozhe për sulmuesin e skuadrës mitrovicase duke e përshkruar si një sulmues i kohëve moderne.

“Kam folur me pronarin e skuadrës tani e disa kohë, do të përpiqemi që ta transferojmë futbollistin sa më shpejtë që të jetë e mundur” – tha trajneri pas ndeshjes.

Bismark la përshtypje të mëdha në Superligën e Kosovës gjatë stinorit vjeshtor, duke arritur të realizoj gjashtë gola në 17 takime dhe duke qenë një nga zbulimet më të mëdha të vitit.

commentFirst article
Sot mund të lexoni Shfletoni kopertinat