Elseid Hysaj pritet të largohet nga Napoli në fund të këtij edicioni.
Mbrojtësi shqiptar është futur në vitin e fundit të kontratës me Napolin dhe nuk do ta vazhdoj atë.
Kësisoj Hysaj do të largohet nga napolitanët si futbollist i lirë në fund të edicionit dhe ka shumë skuadra pas tij.
Gjiganti francez, Olympique Marseille po insiston për transferimin e shqiptarit dhe thuhet se ka nisur diskutimet me agjentin e tij Mario Giuffredi.
Megjithatë Marseille nuk do ta ketë aspak të lehtë të nënshkruajë me shqiptarin, për të cilin gara është e madhe.
Klubi francez po insiston për afrimin e shqiptarit, por ende nuk ka një marrëveshje mes palëve.
Lyon është skuadra tjetër franceze që e do atë, por interesim kanë shprehur edhe Atletico Madrid, Sevilla dhe Spartaku i Moskës.
Një opsion tjetër për Hysajn mbetet edhe kampioni i shumëfishtë i Portugalisë, Benfica.
