Trajneri i Shqipërisë, Reja, ka dhënë intervistë për mediat italiane duke prekur në veçanti skuadrën e Napolit.
Në ekipin ku ka punuar më herët dhe ku skuadra italiane ka mirënjohje të veçantë për të, lidhja e dashurisë vazhdon edhe në distanca të largëta. “Është emocioni më i fortë që kam përjetuar”, është shprehur Reja. Ndërkohë trajneri i Shqipërisë nuk harron që të ngrejë edhe figurën e Hysajt.
“Napoli është emocioni më i fortë që kam përjetuar. Ngjitja nga Seria C në Serinë A ishte fenomenale.
Elseid Hysaj? U paraqit shumë mirë kundër Anglisë dhe ishte më i miri me Kombëtaren. Te Napoli është duke bërë mirë gjithashtu në këto ndeshje. Për dy ditë do të vaksinohem se kjo është mënyra e vetme për të dalë nga pandemia”, u shpreh Reja.
