Është e ndaluar të ngadalësohet hapi. Interi po garon drejt “Scudetto” dhe, për të vazhduar ta bëjë këtë, thirret të kapërcejë pengesën e Bologna. Në “Dall’Ara”, ndeshja midis emilianëve dhe zikaltërve luhet në kuadrin e javës së 29-të të Serie A.
Një raund para Pashkëve, që e sheh ekipin e Antonio Conte në mënyrë të vendosur në komandën e renditjes, të ndjekur nga Milani dhe Juventusi, me një moral të lartë për ngjitjen e pabesueshme sezonale në majë, pas eliminimit të parakohshëm nga Champions-i.
Bologna, nga ana e saj, me suksesin e fundit kundër Crotone, ka hedhur një hap themelor në arritjen e mbijetesës së hershme dhe ka çdo qëllim të bezdisë Interin e Lukakut dhe Lautaros. “Lu-La” do të drejtojë sulmin zikaltër edhe në Bologna, me Eriksen të konfirmuar si mesfushor. Në krah, risia është Young, i cili zëvendëson Perisic e lodhur në të majtë, ndërsa në të djathtë, si gjithmonë luan Hakimi.
Në mbrojtje, duke pasur parasysh urgjencën midis lëndimeve dhe Covid-19, një mundësi për Andrea Ranocchia. Në portë kapiteni Handanovic, i rikuperuar nga koronavirusi. De Vrij duhet ta fillojë nga stoli. Vidal, gjithashtu është riaftësuar.
Ja formacionet e mundshme:
Bologna(4-2-3-1): Ravaglia; Tomiyasu, Danilo, Soumaoro, Dijks; Schouten, Svanberg; Orsolini, Soriano, Sansone; Barrow.
Inter(3-5-2): Handanovic; Skriniar, Ranocchia, Bastoni; Hakimi, Barella, Brozovic, Eriksen, Young; Lukaku, Lautaro Martinez.
