Milani dhe Roma janë dy pretendentët kryesorë për sulmuesin e Torinos, Andrea Belotti.
27-vjeçari, i cili është i lidhur me klubin granata deri në 30 qershor të vitit 2022 është ndër objektivët e kuqezinjve dhe verdhekuqëve për repartin e avancuar.
Gjatë merkatos së verës të dy klubet do të konkurojnë fuqishëm mes tyre për të përfituar kartonin e lojtarit.
Pikërisht përfundimi i kontratës së lojtarit me klubin granata e bën më të realizueshëm operacionin, pasi për t’ia rrëmbyer lojtarin Torinos mund të mjaftojnë 25 milionë euro.