Esat Mehmeti, ish portier i gjeneratës së artë të futbollit në vitet e 70-ta dhe të 80-ta, është i habitur, se si është lënë në harresë turneu përkujtimor për emrat e mëdhenj të futbollit, Faton Domi dhe Favzi Rama, që humbën jetën tragjikisht me 22 nëntor të vitit 1987 në Volljakë të Klinës.
Domi dhe Rama shumë vite ishin lojtarë të Prishtinës, para se të humbin jetën luanin për Vëllaznimin përkatësisht Lirinë.
“Edhe unë, ti... kemi faj! Mjerë ai popull që e harron të kaluarën e vet....
Fëmijët tanë do të na gjykojnë me arsye. Edhe ne shokët e gjallë të Favzit e Fatonit për rininë e sotit jemi të vdekur...!?”, komenton Mehmeti.
