Vjen thirrja që Interi, Juventusi dhe Milani të përjashtohen nga Serie A

Futboll

Vjen thirrja që Interi, Juventusi dhe Milani të përjashtohen nga Serie A

Më: 20 prill 2021 Në ora: 09:32
Foto ilustrim

Antonio Cassano ka bërë thirrje që Interi, Juventusi dhe Milani të përjashtohen nga Serie A, për shkak se iu bashkuan ligës së shkëputur, Superligës së Evropës.

Treshja e Serie A është në mesin e 12 klubeve evropiane që u shkëputën nga të tjerët dhe e krijuan Superligën Evropiane të dielën.

Por ato këmbëngulin se dëshirojnë akoma të marrin pjesë në ligën elitare italian, megjithëse i janë bashkuar garës së re evropiane.

Presidenti i UEFA-s, Aleksander Ceferin konfirmoi se lojtarët të cilët marrin pjesë në Superligë do ta kenë të ndaluar të luajnë për ekipet e tyre kombëtare.

Cassano, ish-sulmuesi italian që gjatë karrierës së tij ka luajtur për Interin dhe Milanin, beson se disa klube nuk mund ta udhëheqin futbollin.

“Është e pamundur të mendosh për një garë të tillë. klubet e mëdha duhet ta kuptojnë se futbolli u takon njerëzve”, tha Cassano për Bobo TV.

“Ekipet e vogla nuk mund të lihen mënjanë. Do t’i kërkoja FIGC (Federatës së Futbollit të Italisë) t’i përjashtojë nga Serie A Interin, Milanin dhe Juventusin”, shtoi ai.

“Lë të luajnë në ligën e vet dhe të shohim se çfarë do të ndodhë. 12 klube nuk mund ta udhëheqin futbollin”.

Shfaq komentet
comments powered by Disqus
Sot mund të lexoni Shfletoni kopertinat