UEFA ka lëshuar një deklaratë të re për të dënuar Superligën e krijuar nga 12 klube të njohura, duke thënë se ‘Ne jemi futboll, ata nuk janë’.
Kongresi i 45-të i Zakonshëm i UEFA-s u mbajt sot në Montreux dhe organi drejtues evropian i futbollit lëshoi një deklaratë të re kundër Superligës Evropiane që ishte zyrtarizuar të dielën.
“55 shoqatat anëtare dhe pjesëmarrësit në Kongresin e UEFA dënojnë deklaratën e të ashtuquajturës “Superliga”. Kongresi i UEFA-s është i vendosur se” Superliga”e mbyllur shkon kundër vetë konceptit të asaj që do të jetë evropiane: e unifikuar , e hapur, mbështetëse dhe parimore mbi vlerat sportive”.
“UEFA dhe shoqatat e saj anëtare besojnë në një model vërtet evropian që bazohet në gara të hapura, solidaritet dhe rishpërndarje për të siguruar qëndrueshmërinë dhe zhvillimin e lojës për të mirën e të gjithëve dhe promovimin e vlerave evropiane dhe rezultateve shoqërore”.
“Klubet konspirative padyshim kanë dështuar të shohin që statusi i tyre sot nuk u arrit në vetëm me ta, por përkundrazi ishte pjesë e një sistemi dinamik Evropian ku klubet e mëdha, të mesme dhe të vogla kanë kontribuar të gjitha në sukseset dhe humbjet e të gjithëve”.
“Është një fyerje ndaj vlerave evropiane dhe meritës sportive që ata të supozojnë se kanë të drejtë të “ndahen” dhe të pretendojnë për trashëgiminë që të gjithë ndërtuan”.
“UEFA, shoqatat e saj anëtare dhe të gjithë ata që e duan futbollin qëndrojnë të vendosur dhe do të rezistojnë fuqimisht dhe do të luftojnë kundër kësaj lëvizje nga pronarët e këtyre klubeve dhe mbështetësit e tyre në masën më të plotë të mundshme”.
“Ne e dimë, moralisht, atë që është në rrezik dhe do ta mbrojë futbollin nga një klan egoist që nuk kujdeset për asgjë. Ne jemi futboll evropian. Ata nuk janë”, thuhet në komunikatën e UEFA-s.
Presidenti i Real Madrid dhe Superligës, Florentino Perez ka hënë mbrëmë se gara e re e krijuar do të “shpëtonte futbollin” pasi klubet humbën mbi 5 miliardë euro për shkak të pandemisë COVID.
UEFA's 55 member associations unanimously approve a declaration strongly condemning the so-called 'Super League' at #UEFACongress.
— UEFA (@UEFA) April 20, 2021
"...It goes against the very concept of what it is to be European: unified, open, supportive, and principled on sporting values..."
Full story: ?
