Sipas lajmeve të fundit nga “ESPN”, Barcelona ka siguruar një hua prej 500 milionë euro nga Goldman Sachs, me 100 milionë euro që vijnë menjëherë për të mbuluar pagat e papaguara për lojtarët.
Ashtu si shumë prej klubeve që ishin regjistruar në projektin e Superligës Evropiane, Barça po lufton për t’i rritur financat pas ndikimit të pandemisë COVID dhe ka nevojë për fonde të reja.
Presidenti Joan Laporta me sa duket e ka gjetur çelësin me një hua me vlerë 500 milionë euro nga banka amerikane e investimeve Goldman Sachs.
“ESPN” pretendon se do të ketë 100 milionë euro që arrijnë menjëherë, kështu që Barcelona mund të shlyejë pagesat e papaguara që u detyrohen lojtarëve.
Borxhi bruto i klubit thuhet se tani është gati 1.2 miliardë euro.
Burimet e “ESPN” thonë se situata me pagesa të papaguara ishte aq e keqe sa skuadra po përgatitej për ta çuar çështjen në Shoqatën e Futbollistëve Spanjollë.
