Tirana largon dilemat për trajnerin, Orges Shehi rinovon me bardheblutë

Futboll

Tirana largon dilemat për trajnerin, Orges Shehi rinovon me bardheblutë

Më: 31 maj 2021 Në ora: 22:04
Foto nga takimi

Pas shumë dilemash, Tirana vendos për fatin e trajnerit të skuadrës.

Presidenti Halili duket se ka gjetur gjuhën e përbashkët me Orges Shehin me të cilin ka arritur akordin për të zgjatur kontratën edhe për sezonin e ardhshëm.

Në këtë mënyrë, Tirana shpërblen punën e bërë nga Shehi i cili e mori në një pozicion të vështirë dhe e ngriti më tej, fatkeqësisht pa e çuar në Europë por gjithsesi, askush nuk mund të mohojë lojën dhe rezultatet e trajnerit në krye të bardhebluve.

Njoftimi zyrtar i Tiranës:
“Orges Shehi, trajner i Tiranës!
Klubi i Futbollit Tirana njofton nënshkrimin e marrëveshjes me trajnerin Orges Shehi.

Gjatë bisedimeve në ditët e fundit presidenca dhe trajneri Shehi arritën dakordësinë për zgjatjen e bashkëpunimit mes tyre.

Pasi mori drejtimin e ekipit në Janarin e sezonit që lam pas, duke bërë një punë mjaft të mirë me skuadrën në pak kohë, tekniku tashmë do të vijojë të qëndrojë në krye të bankinës bardheblu”.

comment Për komente lëvizni më poshtë
Sot mund të lexoni Shfletoni kopertinat